Një vrasje e rëndë ndodhi gjatë ditës së djeshme në fshatin Novosellë të Pejës.
Nga Policia e Kosovës kanë deklaruar se një person i dyshimtë ka qëlluar me armë zjarri viktimën. Në vendin e ngjarjes kanë dalë njësitë përkatëse, ndërsa ekipi mjekësor ka konstatuar vdekjen e viktimës.
Gjatë kontrollit në shtëpinë e të dyshuarit janë gjetur dhe konfiskuar: një mitroloz, një pistoletë, pajisje për pastrim të armës, 890 fishekë të kalibrave të ndryshëm dhe pesë predha poashtu kalibra të ndryshëm, transmeton lajmi.net.
Me vendim të prokurorit trupi i pajetë i viktimës është dërguar në Institutin e Mjekësisë Ligjore për obduksion.
Ndryshe duhet përkujtuar që vrasja në fjalë ndodhi në mes familjarëve, ku dyshohet se viktima u qëllua për vdekje nga djali i axhës.
I dyshuari thuhet se qëlloi për vdekjen kushëririn e tij në sy të bashkëshortes dhe djalit të të ndjerit./Lajmi.net
