Ish-presidenti i Kosovës, Hashim Thaçi, përmes avokatit të tij, Gregory Keohe, ka kërkuar përjashtimin edhe të një gjyqtari nga Paneli i Apelit që do ta ketë në dorë vendimin për lirimin ose jo të tij nga paraburgimi. Kjo është kërkesa e dytë e Thaçit, pas asaj për përjashtimin e vet presidentes Trendafilova nga funksioni i saj për caktimin e gjyqtarëve të Apelit në këtë çështje.
Emilio Gatti, është emri i gjyqtarit Italian në Speciale që avokati i ish-presidentit, Thaçi, Gregory Keohe, nuk po e do në Panelin e Apelit që do të vendos për lirimin ose jo nga paraburgimi të ish-drejtorit politik të Ushtrisë Çlirimtare të Kosovës, shkruan lajmi.net.
Këtë kërkesë, ish-presidenti Thaçi e ka parashtruar gjatë ditës së djeshme të përmbledhur në 20 faqe dhe gjashtë konkluzione/kërkesa si më poshtë;
KËRKON nga Kryetarja që t’ia caktojë Nënkryetarit kërkesën aktuale për skualifikim, në përputhje me Rregullën 20 (6) të Rregullave, pasi kjo kërkesë mund të konsiderohet se “shqetëson” Kryetaren;
KËRKON NGA nënkryetari të caktojë një trup gjykues prej tre gjyqtarësh për të gjykuar kërkesën për përjashtim, në përputhje me Rregullën 20 (3) të Rregullores;
KËRKON skualifikimin e gjyqtarit Emilio Gatti, gjyqtar i Dhomave të Specializuara të Kosovës, nga Kolegji i Apelit në këtë rast, në pajtim me Nenin 33 (1) (c) të Ligjit të KSK -së, dhe Rregullën 169 të Rregullave; dhe
KËRKON që kryetarja të caktojë kërkesën aktuale për rishqyrtim dhe anulim të Vendimit të Presidentit KSC-BC-2020-06/IA010/F00005, datë 26 gusht 2021, për caktimin e një Kolegji të Apelit për të gjykuar Ankesën e lëshimit të përkohshëm të z. Thaçi, dhe anulimin e Vendimit të Kryetarit KSC-BC-2020-06/IA009/F00015, datë 30 gusht 2021, për caktimin e Panelit të Gjykatës së Apelit për të gjykuar Juridiksionin si dhe dhe rivendosjen e Vendimit të Presidentit KSC-BC-2020- 06/IA004/F00002, datë 4 shkurt 2021, për Caktimin e Gjykatës së Apelit në rastin aktual Nënkryetarit, në përputhje me Rregullën 20 ( 6) të Rregullat, pasi kjo kërkesë mund të konsiderohet se “shqetëson” Presidentin;
KËRKON prishjen e Vendimit të Kryetares KSC-BC-2020- 06/IA010/F00005, datë 26 gusht 2021, për caktimin e Panelit të Gjykatës së Apelit për të gjykuar Apelin e Lirimit të Përkohshëm të z. Thaçi, dhe anulimin e Vendimit të Kryetares KSC-BC-2020-06/IA009/F00015, datë 30 gusht 2021 për caktimin e Kolegjit të Apelit për të gjykuar Apelin e Juridiksionit të zotit Thaçi dhe rivendosjen e Vendimit të Presidentit KSC-BC-2020-06/IA004/F00002, datë 4 Shkurt 2021, për Caktimin e Gjykatës së Apelit në rastin aktual, i cili do të vendosë për të gjitha ankesat në rastin aktual, përfshirë Apelin për Lirim të Përkohshëm dhe Ankesën për Juridiksion në përputhje me nenin 30 (3), nenin 33 (1) (c) të Ligjit të KSC -së , dhe Rregulli 169 i Rregullave;
KËRKON që Paneli Tre-anëtarësh i gjyqtarëve dhe/ose nënkryetarit, respektivisht, që të japin lehtësim parandalues, duke pezulluar procedurat për gjykimin e ankesave të z. Thaçi për lirim të përkohshëm dhe juridiksion nga Kolegji i Gjykatës së Apelit i emëruar në mënyrë të paligjshme me Vendimet e Presidentit Nr. KSC-BC-2020-06/IA010/F00005 dhe KSC-BC-2020-06/IA009/F00015, datë 26 dhe 30 gusht 2021, respektivisht, derisa të merret një vendim përfundimtar në lidhje me aplikimin aktual.
Të gjitha këto ankesa të parashtruara nga avokati i Thaçit kanë të bëjnë me dyshimet e ngritura para pak ditësh ndaj kryetares së Speciales, Ekaterina Trendafilova, e cila sipas mbrojtjes ka zhvilluar konsulta me Prokurorinë pa dijeninë e mbrojtjes, duke shkelur kështu rëndë dispozitat ligjore, shkruan tutje lajmi.net.
Këto dyshime shfaqen në njërin prej argumenteve të avokatit të Thaçit në parashtresat e dorëzuara para disa ditësh në kërkesën për përjashtimin nga funksionet që ushtron Trendafilova.
“Argumentet e Prokurorit Special kundër kërkesës së zotit Thaçi në pritje për lirim të përkohshëm, të bëra në prani të Presidentes dhe pa dijeninë e Mbrojtjes, përbëjnë qartë komunikimet të ndaluara ex parte. Neni 11 i Kodit të Sjelljes Profesionale të DSK-së ndalon “kontaktin” me një gjyqtar në lidhje me bazueshmërinë e një rasti, “përveç rasteve kur është e përshtatshme brenda kontekstit të procedurës.” Nuk bën përjashtime nëse ai kontakt në thelb “nuk i drejtohej” gjyqtarit ose nëse nuk “kishte për qëllim të nxirrte ndonjë përgjigje ose veprim” nga ana e gjyqtarit, veçanërisht kur (si këtu) avokati është në dijeni të pranisë së gjyqtarit dhe se pala kundërshtare nuk është e pranishme”, thuhet në argumentimin e avokatit Keohe, shkruan lajmi.net.
Lexo më tutje për këtë raportim:
Gjithë pakënaqësitë e avokatit të Thaçit, Gregory Keohe me presidenten e Dhomave të Specializuara nisën kur kjo e fundit përjashtoi nga paneli i Apelit gjyqtarin Kai Ambos, i cili kishte lënë mundësinë e garancisë si një nga opsionet që mund t’ia siguronte lirimin e përkohshëm Thaçit.
Emilio Gatti është gjyqtari i cili me vendim të Trendafiloves, është emëruar në vend të Ambos i cili kishte lënë një rrugë hapur për lirimin e Thaçit nga paraburgimi.
Bazuar në konkluzionet e lartëpërmendura, mbrojtja e Thaçit ka kërkuar që përjashtimi i Gattit të mos shqyrtohet fare nga kryetarja e DSK-së, Ekaterina Trendafilova, por nga një zëvendës i saj, në këtë rast gjyqtari Charles Smith.
Avokati i Thaçit, tutje pretendon se vendimi për përjashtimin e Ambos është qartësisht jo-ligjor dhe ka të bëj ekskluzivisht me pakënaqësitë që ndërlidhen me mundësinë që ai e la të hapur për lirimin e Thaçit.
“Mendimi i gjyqtarit Ambos se Garancitë e Shtetit të Tretë mund të sigurojnë rrugën drejt lirimit të Thaçit, e vë atë në kundërshtim të drejtpërdrejtë me parashtrimet ex parte të bëra nga z. Smith drejtuar Presidentit para sponsorëve ndërkombëtarë të Gjykatës. Si i tillë, një vëzhgues i arsyeshëm do të kuptonte paragjykimin në vendimin e Presidentit për të hequr vetëm gjyqtarin Ambos si gjyqtar i Kolegjit të Apelit që do të dëgjojë fjalimet e z. Thaçi në apelin e dytë për lirimin e përkohshëm dhe apelin e tij mbi juridiksionin, dhe ta ketë bërë këtë pa autoritet ligjor sipas Ligjit ose Rregullave”, thuhet në njërën prej parashtresave të avokatit të ish-presidentit Thaçi.
Kush është Emilio Gatti, gjyqtari Italian që Thaçi po kërkon përjashtimin e tij?
Gjykatësi Emilio Gati (Itali) punon që nga viti 2010 si prokuror publik në gjykatën e qarkut në Gjenovë (Genova).
Nga viti 2001 deri më 2008 ka qenë gjykatës për çështje penale në qarkun e Gjenovës dhe gjatë periudhës 1985-2001 ka punuar fillimisht si gjykatës për çështje penale e më pas si prokuror publik në gjykatën e qarkut të Savonës.
Nga 2008 deri më 2010, ai punoi për EULEX-in në Kosovë si gjykatës për çështje penale.
Gjykatësi Gati është diplomuar si jurist në Universitetin e Gjenovës (Itali).
Ai ka botuar gjerësisht në fushën e ndihmës juridike ndërkombëtare, të drejtës humanitare ndërkombëtare dhe të drejtës së trashëgimisë kulturore. Lajmi.net
