Presidenti i Bjellorusisë Aleksandër Lukashenko akuzoi Ukrainën, Lituaninë dhe Poloninë për “kërcënim të sulmeve terroriste kundër Bjellorusisë”. Nga ana tjetër, Polonia ka ftuar qytetarët në territorin “armik” të largohen nga vendi. Jo vetëm kaq, frika nga një përshkallëzim është afër, pasi janë raportuar shpërthime në qytetin perëndimor të Ukrainës, Lviv. Këtë e ka bërë të ditur kryebashkiaku, sipas të cilit ka edhe ndërprerje të energjisë elektrike në qytetin që ndodhet disa dhjetëra kilometra larg Polonisë.
Akuza ndaj Polonisë vijnë edhe nga Sergej Lavrov. Është ai, ministri i jashtëm rus, që fajëson vendin e udhëhequr nga Andrzej Duda për vullnetin për të kontrolluar autoritetet ukrainase. “Konflikti në Ukrainë udhëhiqet nga anglo-saksonët që kontrollojnë regjimin e Zelenskyt”, ishin fjalët e tij në një intervistë për stacionin televiziv Rossija 1. “Ne u ulëm në tryezën e bisedimeve me delegacionin ukrainas deri në fund të marsit, më pas në Stamboll u ra dakord për një qasje për zgjidhjen e kësaj situate në bazë të parimeve që ishin propozuar nga ukrainasit në atë situatë dhe ato na përshtateshin mirë. Këto negociata u ndërprenë me urdhër të drejtpërdrejtë nga Shtetet e Bashkuara dhe Londra.
Në përgjithësi, kjo luftë bëhet nga anglo-saksonët, të cilët kontrollojnë plotësisht regjimin e Zelenskit. Dhe me ta tani do të kishte edhe polakët, deri në atë pikë sa qeveria do të kishte publikuar udhëzime: “Ne rekomandojmë që qytetarët polakë që banojnë në territorin e Republikës së Bjellorusisë të largohen nga territori i saj me mjete tregtare dhe private në dispozicion”. Pra situata është shumë e nxehtë dhe lufta në Ukrainë mund të përshkallëzohet.
