Komisionieri Europian për Fqinjësi dhe Zgjerim, Oliver Varhelyi, thotë se me 5 maj zbarkon kontingjenti me vaksina kundër koronavirusit, sasia e së cilës nuk është bërë e ditur, i cili po atë viziton Kosovën.
Në Kosovë do të zbarkojë një kontingjent me vaksina kundër koronavirusit, sasia e së cilës nuk është bërë e ditur, ka njoftuar Komisionieri Europian për Fqinjësi dhe Zgjerim, Oliver Varhelyi.
I njëjti ka thënë se do qëndrojë në Kosovë me 5 maj, në kuadër të vizitës së tij në Ballkanin Perëndimor. Të mërkurën Komisioneri Varhelyi ka njoftuar se do të vizitojë edhe Shqipërinë. Një gjë e tillë është bërë e ditur nga Komisioni Evropian nëpërmjet një komunikate.
Komisioni Evropian dhe Austria patën njoftuar më 20 prill, se 651 mijë doza të vaksinës “BioNTech/Pfizer” do të dorëzohen në rajon çdo javë nga fillimi i muajit maj e deri në muajin gusht.
Siç thotë edhe komunikata, vaksinat janë ndarë nga pakoja 70 milionë euroshe e siguruar nga Bashkimi Europian.
“Do të udhëtoj drejt Ballkanit Perëndimor për të përçuar mesazh të qartë: Ne kujdesemi! Ne kujdesemi për partnerët tanë dhe për punëtorët e tyre shëndetësorë, si dhe ata më të rrezikuarit nga pandemia. Shpërndarja e vaksinave konfirmon përkushtimin tonë të vazhdueshëm për të ofruar përkrahje, siç kemi bërë që nga shpërthimi i pandemisë. Bashkë më të fortë!”, ka thënë ai për portalin e Komisionit Europian.
Kosova në kontingjentin e parë ka marrë 24 mijë doza të vaksinës “AstraZeneca” nëpërmjet programit të COVAX-it, ku BE ka kontribuar me 2.5 miliardë euro.
