Shërbimi i Bashkëpunimit dhe Veprimit Kulturor i Ambasadës Franceze në Kosovë, me rastin e vdekjes së Z. Përparim Babalija, njëri ndër kuzhinierët më të njohur ne Kosovë, ka reaguar përmes postimit në profilin facebook.
Postimi i plotë:
Me pikëllim morëm lajmin për vdekjen e z. Përparim Babalija, njëri ndër kuzhinierët më të njohur ne Kosovë por edhe në këtë pjesë të Evropës. I kualifikuar kryesisht në Francë dhe në vende tjera evropiane, ai solli pastaj në Kosovë eksperiencën e tij duke kombinuar kuzhinën evropiane me kuzhinën tradicionale kosovare dhe jo vetëm.
Midis tyre, dhe në krijimet e tij, gastronomia franceze gjithmonë ka qenë në rend të parë. Ambasada Franceze në Kosovë i dërgon ngushëllimet e saj të sinqerta familjes dhe të dashurve të tij.
