Qytetarët në Mbretërinë e Bashkuar kanë dalë në rrugë kundër energjisë së shtrenjtë. Dhjetëra demonstrata në qytete të ndryshme me demonstrues të gatshëm për të djegur faturat e gazit dhe energjisë elektrike.
Një protestë që vjen pasi qeveria ngriti tavanin vjetor të faturave të energjisë për një familje mesatare nga 1,971 paund në 2,500, shkruan The Guardian.
Demonstrata po mbahen në Birmingham, Bradford, Brighton, Londër dhe shumë qytete dhe qyteza të tjera të organizuara nga anëtarët e lëvizjes “Mos paguaj” në Mbretërinë e Bashkuar, nga konsumatorët që synojnë të bllokojnë pagesat automatike bankare derisa qeveria të vendosë ndihmën për familjet më të varfra.