Lufta Rusi-Ukrainë dhe tentativat në rritje të Moskës për të destabilizuar Gadishullin e Ballkanit, kanë bërë që Shtetet e Bashkuara të Amerikës të shtojnë vëmendjen ndaj Shqipërisë. Amerika është një ndër partnerët më të rëndësishëm të Shqipërisë dhe prej 3 dekadash me rindërtimit e marrëdhënieve diplomatike mes dy vendeve, ajo është kthyer në një avokate dhe “engjëll mbrojtës” për shqiptarët.
Në këto vitet amerikanët kanë investuar shumë në Shqipëri, ku një ndër fushat me më shumë investime është drejtësia dhe mbrojtja. Janë një sërë projektesh ambicioze që pritet të bëhen realitet, sikundër është baza e NATO-s në Kuçova dhe ky ndërtim vjen në kulmin kur zërat për destabilizimin e rajonit sa vijnë edhe shtohen, sikundër po ndodh ditët e fundit. Kështu që për të treguar se Gadishulli i Ballkanit është imun dhe në mbrojtjen e ombrellës së NATO.
Dje në ujërat shqiptare kanë mbërritur një super anije, e cila kishe si ekuipazh plot 350 marinsa amerikan. Ka qenë ambasada e SHBA në Tiranë, e cila ka zbuluar në rrjetet sociale detaje nga vizita e anijes “Jason Dunham” (DDG – 109), mbërritja e së cilës është që të tregojë se Shtetet e Bashkuara të Amerikës kanë kryefjalë sigurinë e Shqipërisë. “USS Jason Dunham (DDG-109), një destrojer i klasit Arleigh Burke në Marinën e Shteteve të Bashkuara, vizitoi Shqipërinë në brigjet e Durrësit gjatë fundjavës. Komandanti Michael Kiser tha se “qëllimi i vizitës është të tregojë përkushtimin tonë ndaj NATO-s dhe mbrojtjes së përbashkët”.
Një grup gazetarësh shqiptarë vizituan anijen gjatë ndalesës. Anija mban emrin e tetarit të Marinës së Shteteve të Bashkuara Jason Dunham, i cili u nderua me Medaljen e Nderit për shërbimin e tij në Luftën e Irakut”, thuhet në njoftimin e ambasadës. Kujtojmë që mbërritja në Durrës e super anijes ushtarake “Jason Dunham”, vjen pas aeroplanmbajtëses “Harry S. Truman”, e cila në janar të këtij viti mësymi në bregdetin shqiptar.
Anija amerikane mbërrin në portin e Durrësit, reagon Peleshi
Por në lidhje me mbërritjen e anijes amerikane “USS Jason Dunham” (DDG – 109), e cila ka mbërriti dje në portin e Durrësit dhe që mësohet se do të qëndrojë në Shqipëri deri nesër, ka reaguar edhe ministri i Mbrojtjes, Niko Peleshi. Përmes një statusi në rrjetet sociale, ministri Peleshi shprehet kjo vizitë e rëndësishme në 100-vjetorin e vendosjes së marrëdhënieve Shqipëri-SHBA i shërben forcimit të bashkëpunimit në fushën e mbrojtjes midis dy vendeve tona. “Anija amerikane USS Jason Dunham (DDG – 109), me 350 personel ushtarak mbërriti dje në portin e Durrësit dhe do të qëndrojë në Shqipëri deri më 1 qershor. Kjo vizitë e rëndësishme në 100-vjetorin e vendosjes së marrëdhënieve Shqipëri-SHBA i shërben forcimit të bashkëpunimit në fushën e mbrojtjes midis dy vendeve tona”, shkroi Peleshi në një postim në rrjetet sociale, teksa publikoi edhe një video nga lundrimi i kësaj anijeje në ujërat e Shqipërisë.
Ja çfarë është aeroplanmbajtësen “Harry S. Truman”
“USS Harry S. Truman” (CVN-75) është aeroplanmbajtësja e tetë e klasit Nimitz e Marinës së Shteteve të Bashkuara. Ajo është emërtuar në nder të Presidentit të 33-të të Shteteve të Bashkuara, Harry S. Truman. Harry S. Truman (i njohur gjithashtu si HST brenda Marinës, është 1,092 feet (333 m) i gjatë, 257 feet (78 m) i gjerë dhe është i lartë sa një ndërtesë njëzet e katër katëshe, saktësisht 244 feet ( 74 m). Super transportuesi mund të strehojë afërsisht 90 avionë dhe ka një kuvertë fluturimi 1,8 hektarë në madhësi. Për të lëvizur aeroplanët midis kuvertës së fluturimit dhe hangarit, përdoren katër ashensorë, që janë 360 m2 secili. Me vetëm një ngarkesë luftarake, HST zhvendos pothuajse 97,000 tonë dhe mund të strehojë 6,250 anëtarë të ekuipazhit. Luftanija përdor dy spiranca Mark II pa stok që erdhën nga USS Forrestal dhe peshojnë 30 ton secila, ku çdo hallkë i zinxhirit të ankorimit peshon 160 kg. Harry S. Truman kushtoi mbi 4.5 miliardë dollarë për tu ndërtuar. Kjo aeroplanmbajtëse është e teta nga dhjetë aeroplanmbajtëset me energji bërthamore të klasit Nimitz në Marinën e SHBA. Sa i përket kostos operacionale të një aeroplanmbajtëse, në varësi të konfigurimit të saktë të një grupi sulmues transportues, kostoja është diku nga 6 milion deri në 8 milion dollarë në ditë.
