Ajo është njëra nga këngëtaret shqiptare që tashmë ka bërë bujë të madhe në tregun ndërkombëtar.
Fjala është për artisten Dua Lipa, e cila po pushton çdo platformë muzikore dhe po thyen rekorde të njëpasnjëshme.
Megjithatë, ajo është shumë aktive dhe e ndjekur në rrjete sociale teksa vetëm në Instagram numëron 65.4 milionë njerëz.
Dua Lipa (Foto: Instagram)
Në postimet që bën, 25 vjeçarja krahas njoftimeve për muzikë nuk mungon edhe me imazhe të tjera nga përditshmëria.
Së fundmi, krijueses së hitit “Levitating” i është publikuar një fotografi kur ishte 15 vjeçare të realizuar 10 vite më parë.
E njëjta ka ripostuar imazhin e ndarë nga fansat duke treguar se në këtë kolazh ishte në një moshë të re.
Dua këto ditë mori vëmendje të madhe në ndejën e para “Oscars” të organizuar nga Elton John, ndërsa fondacioni i këtij të fundit grumbulloi tre milionë dollarë për të ndihmuar të prekurit nga SIDA.
Lipa interpretoi disa nga hitet si: “Levitating”, “Pretty Please”, “Hallucinate” dhe “Don’t Start Now”.