Një ngatërresë mes të rinjve ka ndodhur te shtunën në rrugën “Washingtoni” në Obiliq, pak para mesnatës, raporton Gazeta.
Përleshja, motivet e së cilës ende nuk dihen ka eskaluar, me ç’rast lëndime kanë pësuar të dyshuarit që u përfshinë në rrahje.
Burimet e Gazetes brenda Emergjencës në QKUK kanë bërë të ditur se në këtë qendër janë dërguar për trajtim mjekësor katër persona që dyshohet se janë rrahur mes vete.
Të rinjtë që përfunduan në spital si pasojë e përleshjes, fillimisht kanë marrë tretman në Qendrën e Mjekësisë Familjare në Obiliq.
Burimet kanë njoftuar se Policia është njoftuar për rastin dhe është vënë në lëvizje për të marrë deklaratat e të dyshuarve. Pas trajtimit në spital, ata janë shoqëruar në stacion policor, ku kanë dëshmuar në lidhje me rastin.
Ndaj tyre, Prokurori i Shtetit ka marrë vendim inicimin e rastit për lëndim të lehtë trupor.
