Policia e Kosovës, Drejtoria për Hetimin e Krimeve Ekonomike dhe Korrupsionit (DHKEK), konkretisht Njësia Rajonale për Hetimin e Krimeve Ekonomike dhe Korrupsionit në Gjilan, në bashkëpunim me Prokurorinë Themelore në Gjilan, kanë kryer veprime hetimore dhe operative me ç‘rast kanë arritur të sigurojnë dëshmi relevante se i dyshuari me iniciale SH.J. më 05.06.2022 derisa kishte punuar si kamarier në një kafiteri të një fshati të Novobërdës, në fund të orarit rreth orës 23:00 kishte dorëzuar pazarin ditor tek pronari në vlerë prej 400 euro të cilat para dyshohet se ishin të falsifikuara.
Lidhur me rastin më datën 06.06.2022 Njësia e krimeve ekonomike në Gjilan kanë sekuestruar përkohësisht 400 euro, ndërkaq me urdhër të prokurorit të shtetit është kontrolluar shtëpia e të dyshuarit dhe më pastaj është arrestuar i dyshuari.
I dyshuari i lartshënuar me veprimet e tij dyshohet për veprën penale “Falsifikim i Parasë”.
Më datën 06.06.2022, në cilësinë e të dyshuarit, në prezencë të avokatit mbrojtës të caktuar sipas autorizimit është intervistuar i dyshuari SH.J. dhe pas përfundimit të intervistës me Aktvendim të prokurorit të shtetit është ndaluar në mbajtje për 48 orë. /Telegrafi
