Sot në orët e hershme të mengjesit u nda nga jeta në moshen 88 vjeçare, veprimtari i qështjes kombëtare, humanisti i madh dhe pajtimtari i gjaqeve, Nebih Nelmendi – Nici.
Në praninë e mijra pjesëmarrësve në varrezat e fshatit Milloshevë i komunës së Obiliqit u varros njëri prej personaliteteve te njohura të kësaj ane.
KUSH ËSHTË NEBIH KELMENDI – NICI
Që në rininë e tij u frymëzua dhe u brumos me ndjenjat kombëtare, përmes atëdhetarit të asaj kohe Qazim Pllanes, nga Kqiqi i Mitrovicës antarësohet në organizaten ilegale NDSH-e, që kishte për qëllim dhe synim lirinë e kombit shqiptar në trojet e ish Jugosllavisë.
Veti tjeter e këtij burri ishte arsimi, ai adhuroi dhe ndihmoi me te madhe arsimin në vitet 90-ta, në forma dhe mënyra të ndryshme.
Ishe dhe mbetet njëri ndër financuesit kryesor të luftës së shenjet të UÇK-së, dhe asnjë here të vetme nuk rrahu gjoks për veprimtarinë që bënte, por ishte jashtëzakonisht modest dhe i thjesht.
Humanizmi ishte veti tjeter e tij, shtëpia e tij ishte “magje” për të gjithë hallegjinjët, çdo herë kur kuptonte se dikush ka një hall, nuk ndihej mirë, për derisa i bënte ndonji zgjidhje.
Pajtimi i gjaqeve e mundonte shumë, afërsia dhe dashuria mes njerzish ishte dëshirë e madhe e tij, andaj edhe pse në moshë të shtyer dhe me problemet e mëdhaja shëndetësore, që kishte, asnjëherë të vetme nuk rreshti së punuari dhe vepruari për pajtimin e njerëzve mes vete, pamarrë parasysh problemet që kishin.
Nebih Kelmendi – Nici, me ndershmëri dhe kontributin e tij jetësor, ka rritur dhe edukuar katër vajza dhe tre djem kontribues të lirisë dhe çlirimit të Kosovës, dhe shumë nipër e mbesa.
Djemt i Nebihut, sot janë ndër afaristët më të njohur jo vetëm në Kosovë, por edhe më gjerë, ku kanë kontribuar me të madhe në zvoglimin e papunsisë në Kosovë dhe mbushjen e arkës së shtetit duke paguar me rregull të gjitha detyrimet.
Në të ardhmen do të shkruhet edhe më shumën për humanistin e atëdhetarin e madh
Nebih Kelmendi – Nici
Lavdi jetës dhe vepës së Nebih Kelmendi – Nici.
