Pas një sëmundje të gjatë dhe të rëndë, ka ndërruar jetë sot veterani i UÇK-së, Mehdi KELMENDI, nga fshati Siboc komuna e Obiliqit
Mehdi Kelmendi ishte një shembull i një luftëtari trim dhe guximtar, që në ditët e para të vitit1998, kur e gjithë Kosova zihej e përzihej nga terrori serb, Mehdiu iu bashku radhëve të Ushtrisë Çlirimtare të Kosovës, nën komandën e komandantit legjendar Adem Jashari.
Pa iu trembur syri ia kthej pushkën policsë dhe ushtrisë serbe, sepse në shpirtin e tij çdo here kishte vullnet dhe dashuri për jetën, për kombin dhe atëdheun. Ishte i brumosur që në fëmijëri me një patriotizëm të pa shoq.
Deri në përfundimin e luftës dhe në agun e lirisë, veprimtarinë e tij ushtarake e ushtroi në Zonen Operative të Shalës në gjithë fshatrat e Ortakollit rrëzë maleve të Çiçavicës.
Pas përfundimit të luftës, Mehdiu iu kthye punës aty ku e kishte lënë, para se t’i bashkohej UÇK-së, në Korporaten Energjetike të Kosovës, në profesionin e saldatorit ku e ushtroi me përkushtim të madh.
Për kontributin e madh që kishte dhënë gjatë luftës, Gjeneral Mensur Kasumi i ndanë mirënjohje.
Trupi i pa jetë i Veteranit të UÇK-së, Mehdi Kelmendi do të varroset në vendlindjen e tij, fshati Siboc Komuna e Obiliqit me date 09.07.2022 (e shtune) ora 17.00
Lavdi jetës dhe veprës së luftëtarit të lirisë Mehdi Kelmendi
Pusho i qetë në dheun e kësaj toke që e deshe aq shumë.
Zoti i Madh t’i ndriqoft rrugët e përjetësisë.
