“Vaksina të dëmton pjellorinë dhe shkakton infertilitet”. Këtë fjali mund ta kesh dëgjuar më shumë se një herë në lidhje me vaksinën ndaj Covid-19 dhe me thënë të drejtën është thjesht një thashetheme më shumë. Nuk është hera e parë që thuhet diçka e tillë për vaksinat, edhe për të tjera, jo vetëm për këtë ndaj Covid-it.
Kolegji Amerikan i Obstetërve dhe Gjinekologëve (ACOG) i quan pretendimet që lidhin vaksinën e COVID-19 me infertilitetit “të pabazuara” dhe “të hedhura poshtë shkencërisht”.
Si funksionon vaksina e COVID-19 për të hequr çdo dyshim që mund të kesh ende?
Tani për tani, ekzistojnë dy lloje të ndryshme të vaksinave (nga tre kompani të ndryshme) të aprovuara në SHBA.
Vaksina e Johnson & Johnson, e cila kërkon vetëm një dozë, është ajo që quhet vaksinë e vektorit viral. Ky është i njëjti lloj vaksine me atë që përdoret kundër gripit çdo vit. Siç shpjegon CDC, përdoret një version i modifikuar i një virusi të ndryshëm për të nxitur qelizat tona të prodhojnë proteinën që gjendet në virus e që shkakton COVID-19. Kjo është e padëmshme për njeriun, por lejon sistemin tuaj imunitar të njohë proteinën dhe të prodhojë antitrupa kundër saj. Sistemi juaj imunitar do të kujtojë sikur të ishte infektuar.
Vaksinat Pfizer / BioNTech dhe Moderna janë të dyja vaksina dërguese të ARN-së. Ky është një lloj i ri vaksine. Sidoqoftë, teknologjia përmes së cilës është krijuar, është studiuar për vite me radhë. Vaksina përmban material nga virusi që shkakton COVID-19, i cili mëson qelizat t`i japin sistemit imunitar aftësinë për të njohur proteinën dhe për të krijuar antitrupa.
Po ç`lidhje ka placenta dhe shkaktimi i infertilitetit që thashethemet e kanë lidhur sidomos me Pfizer?
Në fund të vitit 2020, thashethemet nëpër mediat sociale pretendonin se Shefi i Kërkimit të Pfizer kishte dhënë alarmin se vaksina COVID-19 e Pfizer do të sterilizonte gratë.
Frika nisi nga një proteinë në virus, sincin-1, që ishte e ngjashme me një proteinë që gjendet në sipërfaqen e placentës dhe se antitrupat e zhvilluar për të luftuar kundër kësaj proteine ??do të dëmtonin gjithashtu një placentë në zhvillim e sipër, në të ardhmen.
Megjithatë, kjo nuk është e vërtetë. “Ne dhe të tjerët e kemi analizuar këtë. Këto dy proteina të mëdha nuk kanë asgjë të përbashkët, ka shumë pak ngjashmëri midis dy proteinave ”, thotë Dr. Zev ëilliams.
Atëherë, çfarë thonë provat për vaksinën dhe pjellorinë?
“Së pari, është e rëndësishme të dini se nuk ka pasur studime specifike që shqyrtojnë lidhjen midis vaksinës COVID-19 dhe infertilitetit. Do të nevojiten më shumë të dhëna për të ditur me siguri, nuk ka asnjë provë që sugjeron se vaksinat shkaktojnë infertilitet dhe nuk ka ndonjë arsye për të dyshuar se vaksinat mund të shkaktojnë infertilitet”, shton Dr. Zev ëilliams.
Atëherë, çfarë i bën mjekët ta thonë këtë?
Asnjë humbje e pjellorisë nuk është raportuar nga njerëzit që iu nënshtruan testeve të vaksinës ose midis miliona njerëzve që e kanë bërë vaksinën që nga miratimi i tyre dhe asnjë shenjë e infertilitetit nuk u shfaq në studimet me kafshët.
Nuk ka pasur gjithashtu asnjë lidhje midis vaksinave të COVID-19 dhe abortit spontan.
Kështu që nuk ka asnjë bazë logjike dhe shkencore për të besuar këto thashetheme.
