Efekti i eklipsit hënor në Akrep ka përfunduar dhe një javë na ndan nga mbarimi i prapavijës së Mërkurit.
Kështu, pritet që java e ardhshme të jetë më pozitive se dy javët që lamë pas të cilat ishin të mbushura me konflikte. Në vijim do t’ju tregojmë se cilat do të jenë 3 shenjat më me fat për javën e ardhshme sipas horoskopit kinez.
GJARPRI (1941, 1953, 1965, 1977, 1989, 2001, 2013)
Nëse jeni të sapomartuar ose jeni duke u përgatitur për të mirëpritur një fëmijë në familjen tuaj, do të keni shumë fat këtë javë në fushën e parave dhe financave. Universi po përpiqet t’ju ndihmojë dhe ka një mënyrë sesi mund të tregoni mirënjohjen tuaj. Në Kinën e Lashtë, vendosnin një filxhan me ujë në dritare dhe e mbanin atje përgjatë natës që të rrisnin të ardhurat. Mbarësi do të keni edhe në karrierë, pasi më në fund do të arrini objektivat që i keni vendosur vetes dhe do të bëni një figurë të mire te eprori/ja. Nga ana tjetër, kini kujdes pasi keni afër persona të cilët mund të tregohen arrogantë ose mosmirënjohës. Ata dëshirojnë të përfitojnë nga fati dhe pasuria juaj ndaj tregohuni vigjilentë.
GJELI (1933, 1945, 1957, 1969, 1981, 1993, 2005, 2017)
Si të lindurit e shenjës së Gjelit, do të keni fat në dashuri. Mund të bini kokë e këmbë në dashuri me dikë gjatë kësaj jave. Ndonëse ndjenjat mund të duken shumë e forta që në fillim, bëni një hap prapa dhe mos merrni vendime shumë të nxituara. Do t’ju jepet mundësia që të bëni takime romantike në mënyrë që të njihni më mirë njëri-tjetrin. Energjia duket shumë pozitive dhe për të pasur akoma dhe më shumë fat ju këshillojmë të vishni diçka të mëndafshtë dhe në ngjyrë të gjelbër. Nga ana tjetër, mos e humbisni logjikën dhe aftësinë për të gjykuar drejt situatat. Personi që mund të njihni mund të mos ketë domosdoshmërisht qëllimet më serioze, ndaj është në dorën tuaj të bëni kujdes.
MAJMUNI (1932, 1944, 1956, 1968, 1980, 1992, 2004, 2016)
Kjo është java juaj, pasi fati nuk do të përqëndrohet vetëm në një sektor të jetës. Do të vini re se mund të rregulloni marrëdhënien me një mik/eshë nga e kaluara. Do të arrini të kuptoni se ku qëndron gabimi juaj dhe ku është gabimi i personit tjetër dhe pas kësaj analize, do mund të bëni paqe me veten. Do të ndiheni mirë edhe me grupin tuaj shoqëror, pasi do të planifikoni takime spontane të cilat do t’ju mbushin me energji pozitive. Nga ana tjetër, kemi edhe një këshillë për ju. Kini kujdes me impulsivitetin, pasi Marsi mund të ndikojë negativisht në fatin tuaj. Në mënyrë që ta parandaloni këtë, ju këshillojmë të mbani gjithmonë me vete hajmalinë e fatit që përdorni zakonisht në raste vështirësie. Nëse po mendoni të shkoni për studime jashtë vendit mos kini frikë, pasi kjo është zgjedhja e duhur. Kjo lëvizje mund t’ju sjellë liri dhe përfitime financiare.
