Në radhët e kampionëve të Francës vijnë lajme të mira. Kështu, pas humbjes me Monakon, Paris San Zhermen ka zbritur menjëherë në stërvitje, pasi skuadra ka nisur përgatitjet për takimin e Champions League përballë Bajernit të Mynihut. Lajmi më pozitiv në shtëpinë e kampionëve të Francës është rikthimi i Kilian Mbape në stërvitje. Sulmuesi fillimisht ka punuar i diferencuar nga pjesa e tjetër e grupit dhe pritshmëritë janë që Mbape të jetë në fushën e lojës ndaj bavarezëve. Kilian u dëmtua në takimin ndaj Montpellier, ndërsa rikthimi i tij jep shumë shpresë skuadrës së trajnerit Galtier, pasi PSG ka pësuar dy humbje në dy ndeshjet e fundit, në Kupë përballë Marsejës dhe në kampionat ndaj Monakos. Kërkohet që skuadra të bëjë kthesë sa nuk është vonë dhe për këtë shpresohet që Mbape të jetë në formë për sfidat e mëdha në Champions League.
