Fundi i afatit kalimtar të verës po afrohet me shpejtësi dhe Barcelona po përpiqet të gjejë klube për lojtarët që duan të shesin.
Këto shitje janë thelbësore për uljen e faturës së pagave, e cila nevojitet për të firmosur dhe regjistruar përforcimet që ka kërkuar Xavi .
Ndërsa disa negociata po përparojnë, disa të tjerat janë të bllokuara dhe duken pa zgjidhje në horizont.
Aubameyang dhe Chelsea
Shitja më e rëndësishme, dhe ajo për të cilën klubi ka punuar më gjatë, është ajo e Pierre-Emerick Aubameyang .
Barcelona prej javësh është në bisedime me Chelsean dhe ndonëse prej kohësh flitet për një marrëveshje, e vërteta është se asgjë nuk është finalizuar. Me vetëm dy ditë të mbetura, shitja e lojtarit gabonez është prioriteti më i lartë pasi do të lironte më shumë hapësirë në faturën e pagave.
Pjanic ka refuzuar Al-Nassr
Një tjetër lojtar që mund të largohet është Miralem Pjanic. Lyon ka treguar interesim, së bashku me skuadrën e Arabisë Saudite, Al-Nassr.
Mirëpo, presidenti i klubit araba, së fundmi në rrjetet sociale ka deklaruar se nuk ka pasur bisedime me Barcelonën për mesfushorin boshnjak.
Situata e Pjanic është befasuese. Fillimisht, dukej se ai do të largohej pasi u kthye nga një periudhë huazimi te Besiktas, por Xaxi tha se do të qëndronte.
Megjithatë edhe pse Sergio Busquets ishte i pezulluar ndaj Real Sociedad, Pjanic nuk luajti dhe duket sikur boshnjaku e ka marrë këtë si një shenjë për të kërkuar një klub të ri.
Nuk ka oferta për Depay
Një situatë tjetër komplekse është ajo e Memphis Depay. Holandezi ishte afër bashkimit me Juventusin, por klubi torinez vendosi të nënshkruante në vend të tij me Arkadiusz Milik.
Që atëherë, asnjë klub tjetër nuk ka bërë një qasje. Edhe pse asgjë nuk mund të përjashtohet në këtë pikë, me vetëm dy ditë të mbetura në afatin kalimtar, duket sikur Depay do të qëndrojë në Camp Nou.
Dest dhe Braithwaite
Xavi ia ka bërë të qartë Sergino Destit se ai nuk është pjesë e planeve të tij, pasi e ka lënë jashtë skuadrës deri më tani.
Manchester United është i interesuar, por Barcelona kërkon 20 milionë euro për mbrojtësin e djathtë, një tarifë që konsiderohet e lartë nga skuadra e Ligës Premier. Villarreal janë përmendur gjithashtu si një klub i mundshëm pas lëndimit të Juan Foyth.
Sa i përket Martin Braithwaite, ai kërkon pesë milionë euro për tu larguar dhe të dyja palët vazhdojnë bisedimet për përfundimin e kontratës së tij.
