Kjo verë ka qenë goxha e ngarkuar me koncerte të shumta për Dafina Zeqirin. Artistja ka dhënë maksimumin për të kënaqur publikun dhe fansat që adhurojnë muzikën e saj.
Mirpo i gjithë ky angazhim përgjatë verës duket se ka përkeqësuar shëndetin e artistes. Dafina ka treguar më parë se iu është nënshtruar një operacioni në gju për shkak të një dëmtimi në ligamente. Megjithatë, këngëtarja ka theksuar se përballet vazhdimisht me probleme për shkak të gjurit.
Përveç kësaj, disa ditë më parë artistja i shqetësoi fansat e saj kur u shfaq në rrjetet sociale me një maskë oksigjeni. Artistja publikoi në Instastory një video ku shihet teksa mban maskën në fytyrë.
Së fundimi Dafi ka bërë lajmëruar fansat e saj se do të bëjë një pauzë nga koncertet dhe do të kujdeset për shëndetin e saj pasi së fundmi trupi i saj nuk mund të përballojë më dhe ka nevojë të pushojë.
“Trupi im po ‘ulëret’ se unë kam shumë nevojë për tu kujdesur tashmë për veten time. Vera ishte një çmenduri e vërtetë, ju dua më shumë sesa ju mund t’a imagjinoni! Gjithmonë përpiqem të jap më të mirën time edhe kur jam sëmurë, por tani ka ardhur koha të kujdesem për veten, shëndetin tim, do të shihemi së shpejti!”– shkroi Dafina në postimin e saj në twitter.
Kujtojmë se këngëtarja ka anuluar dhe disa prej koncerteve të saj, pikërisht për shkak të gjendjes së rënduar shëndetësore.
