Shkruan: H.Kelmendi
“Kah i ki çadrat, ejjjj”, kjo thënje, kjo pyetje, kjo fjali, ky tog fjalësh është duke më munguar jashtëzakonisht shumë. U bë plot një vit, që këtë frazë nuk e dëgjova më nga e bardha gojë e jote, ku çdo herë thuheshin vetëm gjëra njerëzore, ku kultivohej dashuria për punën, për njerëzit, për natyrën, për Zotin, për gjithçka që është e mirë në këtë rruzull tokësor.
Shoku Drejtor (sa me qejf e kishe të të thrrisja kështu), sot është datëlindja e jote, sot është 72 vjetori i Juaj i ardhjes në jetë, jetë të cilen e deshe shumë, sepse për të punove dhe kontribuove pa masë, sa që veprat e tua madhështore shihen dhe janë të dukshme gjithë andej.
Shoku Drejtor, sot do të duhej të të thërrisja dhe të uroja për datëlindjen, e TI, t’më ftoje për ta pirë nga një, siq e bëje zakonisht, por Jooooooooooooo, sot më mungon fizikisht për të të uruar, sepse kështu e deshi i Madhi Zot, deshi të të ketë afër vetës, andaj ku do që të jeshë në pafundësinë e gjithësisë i uroj që,
“DRITA E TË MADHIT ZOT TË T‘A NDRIQOJ RRUGËTIMIN E MË TEJMË”
Shoku Drejtor, puna është duke ecur mbarë dhe mirë, me ritmin ashtu siq e ke dashur gjithnjë. Kësaj faqes së zezë (covid-19) që ta morri jetën, si duket po i vie fundi, këtë korb të zi e djegt zjarri, ashtu sikurse që na dogji zemrat tona.
Drejtor i dashur, djemt janë mirë që të tre, Arbri, Luli dhe Halimi, tani krah të djatht e kanë edhe Erdin, nipin tend të dashur. Janë duke punuar për bukuri, janë duke vazhduar rrugtimin tuaj qe e ke trasuar, andaj TI pusho i qetë ku do që të jesh.
Shoku Drejtor, po e kam të vështirë faktin për të pranuar realitetin, që më nuk gjindesh fizikisht në mesin tonë, nuk po mund ta bind vetën, gjithnjë më duket se je në një udhtim zyrtar dhe do kthehesh një ditë, siç u kthejshe me plot suksese, çdo cingërimë e telefonit, më trazon çdo here ndjenjat dhe them me vete tani do të kem zërin tuaj duke më thënë metaforën që përdore shumë herë: “KAH I KIE ÇADRAT EJJJ”….., por joooooooo, nuk është zëri Yt, dhe më kaplon një ndjenjë mërzie, ndjenjë nostalgjie, por edhe një ndjenjë krenarie, që pata fatin të jemi njëri prej bashkëpuntorëve Tuaj më të afërt, ku arrita të mësoj shumë gjëra që nuk kisha pasur mundësi që as t’i lexoj në libra të ndryshme, e lëre më t’i shof në realitet, e për këtë do të jem mirënjohës për gjatë gjithë jetës, deri sa të vie tek Ti.
Drejtor i dashur Latif, kam për të shkruar shumë, sepse rrugtuam dhe punum gjatë bashkarisht, kam shumë e shumë kujtime të ndryshme së bashku. Shpesh bëjë edhe monolog pranë fotografisë tënde, duke të treguar për punën, vetë flas, vetë pyes dhe vetë përgjigjem, para fotografisë, të cilen tashme është edhe fotografi zyrtare në kompani dhe e vendosur gjithëandej, foto, ku buzëqeshja jote flet shumë, më thotë edhe ate të pa thënën që çdo here duhej për ta thënë, por jo nuk e thua dot….
Shoku Drejtor, do të të kujtoj gjithmonë sikurse që ishe personalitet i veqant, Vizionar, Intelektual, Patriot, Guximtar, Bujar, Human, e mbi të gjitha Punëtor i jashtëzakonshëm.
Shoku Drejtor, të përqafoj shumë kudo që të jeshë dhe URIME DATËLINDJA.
LAMTUMIRË!!!!!….
