Pasi që parlamenti nuk arriti t’i siguroj 2/3 e votave për shqyrtimin e projektligjit të Zgjedhjeve me procedurë të përshpejtuar ka reaguar, zëvendëskryeministrja dhe njëherit ministrja e Punëve të Jashtme, Donika Gërvalla.
Gërvalla thotë se opozita ishte unike në bllokimin e mundësisë për ndryshimin e Ligjit për Zgjedhjet dhe se arsyet për këtë i dinë vetëm ata.
Megjithëkëtë, ajo theksoi se nuk do të tërhiqen nga ky ligj qoftë e dhe me procedurë të rregullt.
“Provuam ta procedojmë në procedurë të përshpejtuar mundësinë që mërgata të votojë në ambasada dhe konsullata, por sonte nuk patëm sukses. Opozita ishte shumë unike në bllokimin e kësaj mundësie. Arsyet i dijnë vetëm ata. Ne nuk tërhiqemi nga ky ligj. Në fund të fundit, edhe në procedurë të rregullt do të votohet dhe atë shumë shpejt. Premtimin tonë do ta mbajmë. Mërgata jonë është thesari ynë më i çmuar dhe ne asnjë herë nuk do të heqim dorë prej saj, ashtu si ajo nuk heq dorë nga Kosova”, ka shkruar Gërvalla.
