Gazetarja spiune ruse del me një version të saj për dëbimin nga Kosova

Spiunja ruse në petkun e gazetares, Daria Aslamova, pas shpalljes e padëshirueshme nga Kosova, ka dalë me një rrëfim të botuar në gazetën ruse “Komsomolskaya Pravda”, ku flet për përvojën e saj të ndalimit.

Në artikullin e titulluar “Dorëzojani amerikanëve, do ta paketojnë dhe do ta dërgojnë në Ukrainë”, ajo flet për përvojën kur dhe si u ndalua, në versionin e saj.

“Unë dhe bashkëshorti im, gazetari kroat Robert Valdets, vendosëm të shkonim në Kosovë për fundjavë për të parë manastiret ortodokse serbe. Pse jo të bëjmë edhe një artikull/ raport”, shkruan ajo fillimisht.

Në ndalimin e saj, ajo e ndan, gjithnjë sipas saj, një bisedë me një zyrtarë që e ka marrë në pyetje.

Të jemi të sinqertë, të hapur, – thotë bashkëbiseduesi im. “Ju punoni për inteligjencën ruse, apo jo?”

“Jo,” përgjigjem me qetësi. – Unë jam gazetare dhe të gjitha materialet e mia mund të lexohen në domenin publik.

– E megjithatë, le të jemi të sinqertë. Ne dimë gjithçka për ju.

Unë e di mirë këtë teknikë të skautëve. “A punoni për shërbimet speciale?” pyetja duket budallaqe. Cili  budalla do të thoshte po. Këtu është mundësia për të “shtyrë” një person drejt emocioneve. Çdo reagim është i rëndësishëm. Ju përgjigjeni “jo”, dhe ata ju shikojnë me qortim të butë. Si, pendohuni, lehtësoni shpirtin. Ju thoni “jo” përsëri, dhe ata të qeshin para fytyrës suaj. Ju filloni të nervozoheni. Po, çfarë është?! Unë them të vërtetën dhe ata më shikojnë si idiot”.

Mes tjerash, ajo ironizon me lajmet rreth dëbimit të saj.

Ministri i policisë së Kosovës ka publikuar një postim në Facebook, ku mburrej se policia ka arritur të arrestojë spiunen e famshme ruse. Se të gjitha rrjetet sociale të Kosovës po e duartrokasin: “Bravo ministri ynë! Ne duhet ta dorëzojmë në Ukrainë në përputhje me ligjin ndërkombëtar, sepse ajo është në foto me uniformë me mercenarët rusë. “Punë e mirë! Por këshilla ime është: jepjani amerikanëve, sepse ata e dinë se çfarë të bëjnë. Ata do ta paketojnë dhe do ta dërgojnë në Ukrainë.” Se ky është një provokim i zgjuar dhe i mirë organizuar, i publikuar menjëherë në të gjitha mediat botërore”, shkroi ajo, transmetoi RTK.

Një ditë më parë, Daria Aslamova ishte takuar me një klerik serb ku mori bekimin nga ai për t’u nisur “në betejë” dhe tha se pas këtij qetësimi shpirti “s’ndjehem e frikësuar”.

Por, kush është Daria Aslamova?

Pikëpyetjet për të fillojnë qysh me datën e lindjes.

Disa burime thonë se ajo ka lindur në kryeqytetin e Armenisë, Jerevan, me datën 9 shtator, 1969.

Por, një version më i besueshëm është dhënë që Aslamova u lind në Khabarovsk, qytet në jug-lindje të Rusisë, po ashtu në shtator të të njëjtit vit.

Çfarë dihet me siguri është shkollimi i saj në Universitetin Shtetëror të Moskës në Departamentin e Gazetarisë.

E famshme do bëhej në vitet 90-të kur punonte për “Komsomolskaya Pravda”, dikur gazetë ruse, tash tabloid me pronar, Grigory Berezkin, që ka lidhje të afërta me Gazprom-in.

“Komsomolskaya Pravda” ishte/është një nga gazetat më të shitura në Rusi për shumë vjet dhe gjithashtu tabloidi më i klikuar rus.

I shërben pushtetit atje dhe njihet për shkrimet konspiracioniste, si ai i vitit 2015 kur në faqen e parë ishte vendosur një artikull që pretendonte se “SHBA-të kanë orkestruar Charlie Hebdo-n”. Shkrimi s’kishte asnjë informacion të bazuar.

Por, kjo gazetë famën e madhe e mori në vitet 90-ta kur kishte arritur të shiste deri në 22 milionë kopje në ditë. Në të njëjtën kohë, famë mori edhe Daria Aslamova.

Aslamova kishte filluar të mbulonte zonat e luftës, apo “pikat e nxehta” dhe u bë e njohur për mbulimin e aspektit seksual të konflikteve, fushë e pambuluar më parë nga të tjerët.

Në vitin 2011 ishte arrestuar katër herë në Egjipt, ku kishte shkuar si gazetare, por në fakt ishte me detyrë rekrutuese.

Viti 2012 e gjen atë në rajonin e kufirit mes Sirisë dhe Turqisë. Ajo ishte futur fshehurazi edhe në kampe luftimesh.

Më pas kishte realizuar edhe intervistë me presidentin sirian, Bashar al-Assad.

Më vonë do dilnin shkrime se ajo e kishte joshuar Assad-in për të realizuar intervistën.

Por, Aslamova vetë, në një intervistë, deklaronte se ekipi i Assad-it i kishin thënë se “presidenti të do të rregulluar shumë dhe me taka të larta”.

“Ajo që më befasoi në fillim të pritjes së tyre në Siri ishte se ata më kërkuan të isha plotësisht spontane dhe më treguan se mund të vishja rroba që më pëlqenin, të zgjidhja take të larta dhe të tregoja feminitetin tim”, tregon ajo kur ishte pyetur rreth intervistës.

Në Siri ishin ndarë të pakënaqur që presidenti i tyre dha një intervistë me këtë gazetare dhe kishin raportuar se si ajo në fakt ka profesione të tjera.

Një faqe në internet me emrin “Crow” kishte zbuluar se “gazetarja ruse Daria Aslamova është një yll pornografie”.

Kjo, pasi disa faqe pornografike në internet janë plot me foto eksplicite të saj me të brendshme, disa prej të cilave janë publikuar në ballinat e revistave ruse të seksit.

Nga ana tjetër, gazeta e quajtur “Watan” kishte hulumtuar për të kaluarën e saj “dhe konfirmoi se Aslamova ishte një yll pornografie dhe një ‘prostitutë’ që tërhiqte politikanët për t’i rrëzuar ata”.

E kaluara me pullë të kuqe e ruses do të rikthehej edhe një herë në vitin 2017 kur ishte ndaluar në aeroportin e Kisinau-t, kryeqytetit të Moldavisë.

Ajo në Moldavi po shkonte për të intervistuar presidentin asokohe moldav Igor Dodon.

Portalet në Moldavi nxorën fotot e Aslamova-s, derisa tregonin edhe për lidhjet e saj romantike me shumë politikanë, përfshirë Ruslan Khasbulatov, aleatin kryesor të presidentit rus një kohë, Boris Yeltsin.

Khasbulatov, pas shpërbërjes së Bashkimit Sovjetik, do fitonte kontrollin e Parlamentit rus dhe u shndërrua në personin numër dy për nga fuqia në Rusi, pas Yeltsin-it.

Ishte pikërisht përplasja e këtyre të dyve më pas që kishte çuar në atë që njihet si Krisja Kushtetuese e Rusisë në vitin 1993, kur ai në aleancë me zëvendës-presidentin, Aleksandër Rutskoy, ishte përplasur me Yeltsin-in sa u përket fuqive ekzekutive të postit të presidentit. Në fund fiton Yeltsin me shpërbërjen e dhunshme të parlamentit në tetor të vitit 1993.

Gjithsesi, Aslamova s’ishte lënë të futej në Moldavi jo për historinë e saj dhe lidhjet, por për faktin se tashmë ishte zbuluar se punonte për inteligjencën ruse.

Në vitin 1999 spiunia kishte provuar t’i futej politikës, por pa sukses.

Ju kthye prapë gazetarisë dhe në vitin 2003 arriti të realizonte intervistë edhe me presidentin tiranik të Irak-ut, Saddam Hussein.

Më parë kishte intervistuar edhe kriminelin serb Radovan Karagjiç.

Aslamova do shkruante edhe libra një kohë që do shndërroheshin nga më të lexuarit në Rusi, raporton Albanianpost.com.

Lufta në Ukrainë

Një kohë të gjatë kishte vendosur që të mos bënte më gazetari terreni, por të punonte në desk, megjithatë luftën në Ukrainë e ka përcjellur nga vendi i ngjarjes krah ushtarëve rusë.

Për shkak të informacioneve se ajo punon për inteligjencën ruse, një numër i madh shtetesh evropiane dhe jo vetëm, Aslamova-s ia kanë ndaluar hyrjen.

Ajo u zu të shtunën mbrëma duke kaluar kufirin në veri të Kosovës.

Siç raportoi Albanian Post, një ditë më herët ishte takuar në Beograd me një klerik serb, ku kishte “marrë bekimin” e tij, dhe shkruante në profilin e saj në Facebook se “tash nuk ka frikë për betejë”.

Informacionin për ndalimin e saj e konfirmoi vetë ministri i Punëve të Brendshme të Kosovës, Xhelal Sveçla, i cili njoftoi se po zbardhin arsyet e ardhjes së saj në Kosovë, porse e ndërlidhi me ngjarjet e fundit dhe tensionin në Veri.

“Milionat, pozitat e larta, femrat, akuzat”- Si u bë i famshëm Silvio Berlusconi?

Në botën plot labirinte të politikës italiane, Silvio Berlusconi, ishte njeriu që diti të përziente më mirë se kushdo tjetër biznesin me jetën publike. Personaliteti...

10 vendet që nuk duhen vizituar kurrë

Lexie Alford mban rekordin Guinness si personi më i ri që ka udhëtuar në çdo shtet të botës. 25-vjeçarja amerikane ka qenë në 196 shtete...

Ekspertët befasojnë me paralajmërimin e fundit, ja çfarë do të ndodhë me njerëzimin

Një grup ekspertësh, përfshirë drejtuesit e OpenAI dhe Google Deepmind, kanë paralajmëruar përmes një deklaratë të përbashkët se inteligjenca artificiale mund të çojë në...

Raportimi i frikshëm i Microsoft: AI ka elementë të logjikës njerëzore!

Prej disa kohësh tashmë, inteligjenca artificiale po pushton gjithmonë e më shumë jetët tona, si një tentativë e frikshme për të zëvëndësuar tiparet e...

Vdes George Soros? Publikohet lajmi që shokoi botën

Thashethemet për vdekjen e financierit George Soros kanë vërshuar sërish internetin. Investitori, biznesmeni dhe kryefinancieri hungarez amerikan njihet më së shumti për punën e...

RAJONI

All

“Serbia e ka humbur njëherë e përgjithmonë Kosovën”, Rama: Kosova duhet të shpallë zgjedhje të menjëhershme

Kryeministri Edi Rama, shprehet se qëndrimi i tij në lidhje me situatën në veri të Kosovës, është i njëjtë me atë të liderëve të...

Rama: Ushtria serbe nuk i prek dot një fije floku Kosovës, thjesht i vjen vërdallë për konsum të brendshëm

Duke folur për zhvillimet në veri të Kosovës, kryeministri Edi Rama thotë se lëvizja e ushtrisë së Serbisë pranë kufirit është për konsum të...

New York Times zbulon lidhjet e presidentit serb me botën e krimit, ja çfarë pretendohet

Revista javore e gazetës Nju Jork Tajms, ka botuar një artikull të gjatë, ku zbulon lidhje të pretenduara të presidentit serb, Aleksandër Vuçiç me...

Vritet i akuzuari për kontrabandë droge nga Mali i Zi dhe Shqipëria

akuzuari për kontrabandë droge nga Mali i Zi dhe Shqipëria ka mbetur i vrarë në Zagreb. Mediat vendase bëjnë me dije se ngjarja...

Çanak: Kosova u fitua me luftë më 1912 dhe u humb me luftë më 1999

Nenad Çanak, ish-kryetar i Lidhjes së Socialdemokratëve të Vojvodinës dhe një nga liderët e Opozitës Demokratike të Serbisë (DOS), ka kujtuar kohën sa ishte...

Deklarata tronditëse e Abazoviç: Gabimi më i madh i mafias ishte që nuk më vrau

Kryeministri i Malit të Zi, Dritan Abazoviç ka reaguar pas akuzave të ish-kryeprokurorit special Milivoj Katniç për lidhjet e tij me klanin kriminal Skaljar.duke...

Kompania Kosovare Royal/ Ndërton hotelin luksoz “Jadran”, nënshkruhet marrëveshje milionëshe në Mal të Zi

Është bërë nënshkrimi i Aneksit IV i kontratës në vlerë prej mbi 40 milionë euro për ndërtimin e hotelit me pesë yje në qendër...

EKONOMI

SHOWBIZI

BIZNES

rubrika rozË