Media e njohur britanike, Daily Mail ka bërë një gafë në një nga shkrimet e saj duke shkruar se prindërit e futbollistëve shqiptarë Granit dhe Taulant Xhaka janë me origjinë serbe.
Më pas ajo merret me historinë e Granit Xhakës për të cilin thotë se mesfushori i Arsenalit, Xhaka, ka lindur nga prindër shqiptarë me origjinë serbe. Ndërsa thekson se “babai i tij ka qenë i burgosur politik pas demonstratave të studentëve të vitit 1968 në Jugosllavi kundër qeverisë komuniste në Beograd”.
Me këtë rast ngatërron edhe vitin e demonstratave sepse nuk bëhet fjalë për protestat e vitit 1968, por ato të vitit 1986. Media britanike nuk njeh as historinë e Kosovës dhe as atë të vetë prindërve të Taulant dhe Granit Xhakës.
Ragip dhe Elmaze Xhaka emigruan në vitin 1990 për në Zvicër. Një vit më vonë, ata lindën djalin e tyre të madh, Taulantin, në Bazel. Ndërsa Graniti, lindi 18 muaj më pas.
