“Eurovision 2021” që ditë më parë ka informuar se do të ketë një numër të limituar të pjesëmarrësve.
Sipas Mirror, të pranishëm do të jenë rreth 3.500 persona, duke respektuar kështu masat mbrojtëse.
Fansat do të lejohen të marrin pjesë në nëntë shfaqje të ngjarjes, duke përfshirë edhe natën finale, që do të mbahet më 22 maj.
Vizitorët përndryshe me një numër të tillë do të kenë afërsisht 20% të kapacitetit të arenës.
Po ashtu, jo të gjithë do të munden të blenë bileta, përpos atyre që kanë shpenzuar në vitin 2020.
Të gjithë anëtarët e audiencës do të duhet të tregojnë një certifikatë të vlefshme të testit negativ të koronavirusit brenda 24 orëve nga ngjarja dhe të bëjnë një test tjetër pesë ditë më pas.
