Avokati i Kadri Veselit, Ben Emmerson, ka shpërthyer në akuza ndaj Prokurosië në seancën e sotme në Speciale.
Ai tha se Specialja u ndërtua mbi themelet e një raporti që është krejtësisht gënjeshtër, ai i Dick Martyt.
Madje tha se krejt kjo vonesë po bëhet qëllimshëm që krerët e UÇK-së të mbahen në paraburgim.
“Të gjitha provat të cilat ZPS thotë që do të nxjerren në gjykim. 80% janë nxjerrur që prej kohës që ata ju gënjyen juve. Pra nëntë muajt e parë të mbajtjes në burg ishin një gënjeshtër. Po të isha unë në pozicionin tënd do të merrja vendimin dhe do të shikoja linja të tjera. Ndërkohë do të doja gjeja zgjidhje tjera ndërkohë që prokuroria vazhdon pa fokus në punën e saj. Ky është një proces i qëllimshëm që këta burra të rrijnë në paraburgim. Ne nuk e dijmë se kur do të fillojnë hetimet e tyre. Dokumentet bazë të këtij tribunali që e bëjnë të qartë që tribunali u themelua për të gjykuar akuzat e përshkruara anembanë të raportit të Dick Martit, raport krejtësisht politik. Ai shkroi një raport që përfshinte akuzat më absurde dhe më të paimagjinueshme”, tha Emmerson.
“Është një rrugë me dy pista. Shumica e gjykatësve në pozicionin tuaj do ta kishin humbur durimin me prokurorinë. Institucioni u themelua për të shqyrtuar këto akuza absurd që u sajuan nga dëshmitarë që i ka paraqitur zbulimi serb sepse është zbuluar në gjyqin e Haradinajt”, tha ai.
“Askush nuk u habit. Prokuroria nuk ka gjetur asnjë provë që të mbështesë akuzat e saja. Themelet për ngritjen e këtij tribunali kanë qenë të mbështetura në gënjeshtra”, tha tutje avokati.