Kryeministri i Shqipërisë, Edi Rama, ka folur për sukseset e “Devolli Corporation” gjatë mikpritjes falënderuese që ai i bëri përfaqësuesve të bizneseve kosovare në Pallatin e Brigadave.
Ai tha se aksionari i “Devolli Corporation”, Shkëlqim Devolli, është bërë një personazh i tregut ndërkombëtar.
Rama lavdëroi Devollin për të cilin tha është një shembull i jashtëzakonshëm që tregon se çfarë suksese mund të arrijnë shqiptarët kur ju krijohen mundësitë.
“Ja që vjen Shkëlqim Devolli nga Kosova dhe bëhet personazh në tregun ndërkombëtar dhe krijon një vlerë të shtuar që është një shembull i jashtëzakonshëm për të gjithë ne se çfarë mund të bëjnë shqiptarët kur iu krijohen mundësitë”.
I pari i qeverisë shqiptare shtoi se “Devolli Corporation” prodhon aq shumë sa tregu shqiptar për ta është shumë i vogël, prandaj shkon përtej edhe në tregun amerikan dhe ato evropiane.
“Në fabrikën ku ne ishim të gjithë bashkë tek Shkëlqimi, dhe fatmirësisht Shkëlqimi nuk është i vetëm në tregun e Kosovës sepse jeni edhe ju të tjerët, pavarësisht niveleve të madhësisë aty është një fabrikë e cila mund të ndodhet në çdo vend të botës që nga Amerika deri në Angli, Gjermani dhe Australi”.
“Faktikisht aty nuk prodhohet thjesht aq sa zë një treg tanimë shumë i vogël për Shkëlqimin. Prodhohet për tregun amerikan, tregun gjerman dhe tregje evropiane dhe në një territor konkurrence të jashtëzakonshme se nuk e kanë pritur Shkëlqim Devollin as në Amerikë, as në Gjermani dhe as në Francë që të mendojnë që të flenë rehat. Janë marrë me dyshekët kur të parët e Shkëlqim Devollit rriteshin në djep druri”, deklaroi Rama.
Kryeministri i Shqipërisë, Edi Rama, një muaj më herët – një ditë para mbledhjes së dy qeverive shqiptare në Prishtinë – kishte vizituar kompanitë e eksportuesit më të madh kosovar “Devolli Corporation” ku ishte mahnitur me punën dhe sukseset e tyre.
