Albin Kurti dhe Aleksandar Vuçiq po shkojnë në Berlin që ta vizitojnë Olaf Scholz. Nuk pritet ndonjë senzacion nga takimet, mirëpo Berlini po dërgon sinjal të qartë se Ballkani Perëndimor është ende i rëndësishëm për ta, jo pavarësisht, por pikërisht për shkak të Ukrainës.
Kështu të paktën po interpretohet takimi nga ana e Deutsche Welle në edicionin serb.
“Pas shumë vitesh të qeverisjes së kancelares Angela Merkel, me të cilën Vuçiq ndau jo vetëm anëtarësimin në një fraksion të përbashkët të popujve evropianë, por edhe besimin personal të fituar përmes takimeve të panumërta, si në samitet dypalëshe ashtu edhe ato të shumta, dy politikanë që nuk ndajnë asgjë të përbashkët po takohen në Berlin për herën e parë. [as prejardhje ideologjike dhe as stil politik]”, thuhet në shkrimin e tyre.
Socialdemokrati Scholz mund t’i ngjajë paraardhësit të saj në maturinë në qasje dhe qasjen analitike ndaj çështjes, por kjo duhet të lidhet më shumë me mentalitetin e tyre të përbashkët gjermano-verior sesa me bindjet politike. Kësaj i duhet shtuar fakti se që nga ardhja e qeverisë së re socialdemokrate-gjelbër-liberale është folur vazhdimisht se pas largimit të Angela Merkelit, në raport me pushtetin do të fillojë të fryjë një erë e re.
Mirëpo, fakti që një orë para takimit me Vuçiqin, Scholz mirëpret kryeministrin e Kosovës, Albin Kurti, vizita e presidentit të Serbisë në Berlin, e nxjerr kreun serb jashtë bisedimeve klasike dypalëshe për zhvillimin e mëtejshëm të marrëdhënieve ekonomike dhe politike. Berlinit padyshim i interesonte, si paraardhës i idesë së Procesit të Berlinit dhe i afrimit të Ballkanit Perëndimor me Perëndimin dhe me Bashkimin Evropian, të godiste ndoshta arrën më të fortë të kompleksit të sigurisë ballkanike: marrëdhëniet Prishtinë Beograd dhe fillimin e negociatave mes dy vendeve, shkruan e përditshmja gjermane. Negociatat të cilat, siç tha një burim i mirëinformuar në Bruksel për mediumin gjerman, “ishin në gjendjen më të keqe që prej nënshkrimit të Marrëveshjes së Brukselit”.
Kujtojmë se Marrëveshja e Brukselit është nënshkruar gati dhjetë vjet më parë, më 2013-ën. /Lajmi.net
