Kryetari i Partisë Demokratike në Shqipëri Lulzim Basha ka përgëzuar Vjosa Osmanin me rastin e zgjedhjes për shefe të re të shtetit të Kosovës, duke thënë se do të mundësojë unifikimin e faktorit politik të Kosovës për të adresuar sfidat që vendi ka përpara.
“Si përherë, sot dhe nesër në qeverisje të vendit, PD dhe unë qëndrojmë në krah të Kosovës, në mbështetje të qytetarëve dhe institucioneve të saj, për t’i përballuar së bashku të gjitha sfidat e për të forcuar bashkëpunimin mes nesh në dobi të zhvillimit dhe mirëqenies së qytetarëve tanë”, shkruan Basha.
Postimi i plotë:
Urimet më të përzemërta Vjosa Osmanit për zgjedhjen e saj presidente e Republikës së Kosovës.
Jam i bindur se presidentja Osmani do të mundësojë unifikimin e faktorit politik të Kosovës për të adresuar drejt sfidat që vendi ka përpara, garantimin e sovranitetit dhe integritetit territorial, anëtarësimin e Kosovës në institucionet ndërkombëtare, arritjen e marrëveshjes për njohje reciproke me Serbinë dhe progresin drejt integrimit euroatlantik.
Si përherë, sot dhe nesër në qeverisje të vendit, PD dhe unë qëndrojmë në krah të Kosovës, në mbështetje të qytetarëve dhe institucioneve të saj, për t’i përballuar së bashku të gjitha sfidat e për të forcuar bashkëpunimin mes nesh në dobi të zhvillimit dhe mirëqenies së qytetarëve tanë. Punë të mbarë presidente Osmani!
