Në ambientet e BSPK-së, Kryetari Atdhe Hykolli, priti në takim Drejtorin e Programit Vendor të Solidarity Center për Shqipëri Kosovë dhe Maqedoni të Veriut, z. Steven McCloud, dhe Këshilltarin për Politikat Ekonomike të Ambasadës së Shteteve të Bashkuara të Amerikës në Prishtinë, Kosovë, z. Richard Heater.
Takimi me përfaqësuesin e Solidarity Center dhe Këshilltarin për Politikat Ekonomike të Ambasadës së Shteteve të Bashkuara të Amerikës në Prishtinë, Kosovë kishte të bëjë kryesisht me gjendjen aktuale të të punësuarve në Republikën e Kosovës dhe për mundësitë e ngritjes së bashkëpunimit.
Kryetari i BSPK-së, z. Atdhe Hykolli, e informoi z. Steven McCloud dhe z. Richard Heater për organizimin sindikal në Kosovë e në veçanti për organizimin e sidomos për aktivitetet sindikale ndërlidhur me gjendjen aktuale në të cilën po kalojnë të punësuarit në Republikën e Kosovës.
Z. Steven premtoi përkrahjen profesionale të Solidarity Center për zhvillimin dhe ngritjen e kapaciteteve profesionale të BSPK-së po edhe të kapaciteteve profesionale të të punësuarve.
