Pas betimit si Presidente e Republikës së Kosovës, Vjosa Osmani ka mbajtur fjalimin e saj të parë në Kuvendin e Kosovës përmes së cilit ka ftuar për unitet të gjithë spektrin politik në Kosovë, drejtë ndërtimit të kulturës politike të bashkëpunimit. Para deputetëve të Kuvendit, Osmani ka thënë se dera e institucionit të Presidencës do të jetë e hapur për të gjithë, pa dallim partie, derisa ka theksuar se do të jetë bashkë në sfida edhe me deputetët të cilët nuk e përkrahën drejtë këtij rrugëtimi.
Ditë të Kosovës, e ka cilësuar ditën e sotme presidentja e zgjedhur, Vjosa Osmani, duke thënë se sot është dita kur po plotësohet vullnet i iqytetarëve të Kosovës i shprehur në zgjedhjet e 14 shkurtit të këtij viti.
Në adresimin e saj të parë si presidente e vendit, Osmani ka kujtuar presidentin e parë të Kosovës, të ndjerin Ibrahim Rugova, komandantin legjendar të Ushtrisë Çlirimtare të Kosovës, Adem Jashari, sakrificën e familjës së tij, të gjithë ushtarëve dhe popullit të Kosovës, për liri e pavarësi, duke kujtuar edhe të pagjeturit dhe civilët e vrarë nga forcat serbe.
Osmani: Vasfije Krasniqi është historia jonë
“Historia jonë është historia edhe e njerëzve përfaqësues të ulur në këtë sallë, është historia e të mbijetuarës së dhunës seksuale gjatë luftës e cila sot është ulur në radhën e parë të kësaj salle. Zonja Krasniqi është vet historia jonë, dhimbja jonë e përbashkët, por mbi të gjitha është simbol i forcës sonë, i forcës së popullit tonë[…]Në opozitë kemi deputetë të cilët humbën prindërit edhe pas luftës vetëm e vetëm pse ata i qëndruan besnik kauzës për liri, pavarësi dhe demokraci. Në krye të qeverisë ndërkaq sot është kryeministri ynë, një ish i burgosur politik që njohu fytyrën e vërtetë të agresorit nëpër kazamatet e egra të një regjimi tepër të egër”, tha Osmani.
Presidentja e zgjedhur ka theksuar nevojën për drejtësi për viktimat e luftës.
Osmani: Drejtësia për Kosovën nuk arrihet derisa Serbia të vendosë para drejtësisë kriminelët serb që kanë kryer gjenocid kundër popullit të Kosovës
“Drejtësia e plotë për vendin tonë nuk do të arrihet përderisa Serbia të vendosë para drejtësisë kriminelët serb që kanë kryer krime lufte, krime kundër njerëzimit dhe gjenocid kundër popullit të Kosovës. Kjo është e vërteta që nuk mund ta mohojë askush, ka ndodhur para syve të tërë botës. Dialogu është vërtetë rruga që kemi përpara por ai duhet të jetë i drejtë e i barabartë, e paqja do të arrihet vetëm kur të shohim pendesë nga Serbia, kur të kërkohet falje nga ajo dhe kur të vihet drejtësi për ata që kanë pësuar nga krimet e tyre”, tha Osmani.
Kryetarja e shtetit ka ftuar spektrin politik në Kosovë që të ndërtojnë kulturën politike të bashkëpunmimit dhe tolerancës.Ajo ka përmendur situatën me pandmeinë, për çka ka theksuar se duhet bërë bashkë në mënyrë që të luftohet.
Osmani: Uroj të kemi bashkpëunim të përhershëm dhe dinamik me të gjithë përfaqësuesit e qytetarëve
“Shfrytëzoj rastin të ftoj të gjithë politikanët e këtij vendi që së bashku ta ndërtojmë kulturën politike të bashkëpunimit e të tolerancës, të mirëkuptimit me njëri tjetrin dhe përkushtrim që shkon përtej ngjyrave politike. Bashkëpnimi me Qeverinë e Rpeublikës së Kosovës si dhe me të gjithë përfaqësuesit e qytetarëve të zgjedhur në Kuvend uroj të jetë i përhershëm dhe dinamik[…]Dera ime si presidente do të jetë e hapur për të gjithë, nuk do të ketë parti nga pozita dhe opozita, të gjithë bashkë jemi në shërbim të Kosovës ndaj mbi këtë parim unë jam vetëm njëra nga ju që po e vazhdoj detyrën e presidentes së vendit të cilën e mora në rrethana jo të zakonshme për të vazduar në rrethana shpresoj më të zakonshme, në rrethana më shpresëdhënëse”, ka thënë Osmani.
Ajo është zotuar se do të punojë drejt forcimit të shtetit të Kosovës, sundimit të ligjit dhe se do të garantojë mbrojtjen e lirive themelore njerëzore.
Osmani: Do ta mbrojë çdo pëllëmbë të Republikës së Kosovës
“Sot zotohem se do ta mbrojë çdo pëlëmbë, çdo pëllëmbë të Republikës sonë dhe do të angazhohem pa kursim për të garantuar pacenueshmërinë e integritetit territorial institucional e të sovranitetit të vendit. Kosovën duhet ta bëjmë gjithnjë e më të fortë”, tha ajo.
Një pjesë të fjalimit të saj, Osmani e ka dedikuar për vajzat dhe gratë e Kosovës, për çka ka thënë do t’i mbështesë ato drejt realizimit të ëndrrave të tyre.
Ajo ka përmendur edhe Forcën e Sigurisë së Kosovës, si një storie suksesi, derisa ka theksuar edhe rëndëisnë e bahskëpunimit dhe ruajtën e aleancës së Kosovës me vendet mike.
Vjosa Osmani e cila është zgjedhur presidente edhe me votat e depeutetëve të Lidhjes Demokratike të Kosovë, subjekt ky me të cilin ndau rrugët pas dy dekadash bashkëpunim, ka falenderuar të gjithë deputetët që e kanë votuar derisa ka pasur një mesazh edhe për opozitën që nuk qëndroi në sallë gjatë procesit të votimit.
Osmani: Do të jemi bashkë edhe me deputetët që nuk ishin në sallë
“Dua t’i falendderoj kolegët nga Lidhja Demokatike e Kosovës, në krye me kryetarin Lumir Abdixhiku me të cilët kam bahskëudhëtuar për 21 vite, për kontributin e tyre në ndërtimin e institucioneve të vendit. Dua t’i falenderoj edhe deputetët e tjerë, deputeten Reshitaj, deputeten Grainca, deputetin Pacolli, të gjithë dpeutetët që përfaqësojnë komunitetin turk, boshnjak, rom, ashkali, egjiptas, goran, të gjithë bashkë sot dëshmuam se Kosova është atdheu ynë i përbashkët. Ndërkaq për deputetët që sot nuk janë në këtë sallë zotohem para të gjithëve se do të jemi bashkë në çdo sfidë e në çdo fitore për atdheun tonë, Republikën e Kosovës”, tha Osmani.
Vjosa Osmani është zgjedhur në krye të shtetit në raundin e tretë të votimit me 71 vota për, duke u bërë kështu presidenti i pestë i Republikës së Kosovës.
Kandidatura e saj është bërë e ditur para zgjedhjeve të 14 shkurtit në të cilat ka garuar së bashku me Lëvizjën Vetëvendosje, parti e cila sot është në pushtet. /G.Kadrija
