Tre persona kanë humbur jetën nga tërmeti i fundit me magnitudë 6.3 që goditi Turqinë pasditen e kësaj të hëne.
Sipas autoriteteve turke, viktimat janë në Antalia, Defne dhe Samandag.
213 persona të tjerë kanë mbetur të plagosur dhe janë dërguar në spital.
Tërmeti i fundit shkaktoi shembje të tjera të ndërtesave. Ekipet e kërkim-shpëtimit dolën në terren për t’u ardhur në ndihmë banorëve.
Ekspertët turq vlerësuan se ky tërmet ishte i pavarur nga ai i dy javëve më parë që shkaktoi tragjedinë më të madhe në historinë e Turqisë moderne, me mbi 40 mijë viktima.
Tërmeti i sotëm me magnitudë 6.4 u pasua nga një tjetër me magnitudë 5.8.
Dy lëkundjet e mëdha të së hënës krijuan panik tek të zhvendosurit që tashmë janë pritur në qytetet me tenda të ngritura në rrugë.
Tërmeti që goditi Hatajn erdhi pak orë pas vizitës së presidentit turk Rexhep Tajip Erdogan, i cili kishte shkuar në zonë dhe njoftoi se në mars do të nisë rindërtimi “nga e para” i të gjitha qyteteve turke të shkatërruara nga tërmeti.
