Kafeja, e cila është pija më e konsumuar në mbarë botë, përmban kafeinë që është një stimulues i sistemit nervor qendror.
Sipas një studimi të ri, të botuar në revistën “Of Internal Medicine”, pirja e kafesë së ëmbël ose pa sheqer është e lidhur me një rrezik më të ulët të vdekjes tek personat që e konusmojnë, në krahasim me ata që nuk e konsumojnë.
Studiuesit anketuan 171,616 pjesëmarrës në Mbretërinë e Bashkuar deri në pesë herë, gjatë një viti në lidhje me stilin e tyre të jetesës, duke përfshirë zakonet e tyre të pirjes së kafesë.
Shkencëtarët më pas kërkuan certifikatat e vdekjes për të parë se kush kishte vdekur mesatarisht shtatë vite më vonë.
Pjesëmarrësit varionin nga mosha 37 deri në 73 vjeç dhe raportuan se nuk kishin sëmundje kardiovaskulare ose kancer në kohën e sondazhit.
Rezultatet treguan se për njerëzit që pinin një sasi të moderuar kafeje, të përcaktuar si 1,5 deri në 3,5 filxhanë në ditë, kishin rreth 30% rrezik më të ulët të vdekjes në krahasim me ata që nuk pinë kafe.
