Paris Hilton sa herë kthehet në të kaluarën e saj sjell kujtime jo të mira.
Në Paris: The Memoir, ajo reflekton mbi një marrëdhënie ‘të papërshtatshme’ që kishte me mësuesin e saj të klasës së tetë në shkollën katolike. Ajo kujton se si të gjitha vajzat e klasës e pëlqenin atë mësues të pashëm.
“Të gjithë e donin atë, përfshirë murgeshat”, shkruan Hilton.
Rezulton se ky mësues ia ktheu tërheqjen, duke i thënë: “Të dashuroj”.
“Ai më bëri të ndihesha e vërejtur në një mënyrë të rëndësishme, të rritur,” shkruan Hilton. “Ai më bënte lajka e ngacmonte dhe më thoshte se të gjitha vajzat e tjera flisnin për mua pas shpine sepse ishin xheloze”.
Mësuesi më pas i kërkoi numri dhe “më paralajmëroi të mos i tregoja askujt”.
Hilton shkruan se mësuesi më pas e telefononte pothuajse çdo natë “dhe ne biseduam me orë të tëra se sa çuditërisht e pjekur, e bukur dhe inteligjente isha, sa sensuale dhe e veçantë”.
Sipas Hilton, mësuesi i saj shpesh e pyeste nëse prindërit e saj ishin në shtëpi dhe një natë kur nuk ishin, ai vendosi të vinte. “Unë pashë një SUV të modelit të fundit që ishte parkuar para derës” shkruan ajo. “U ula në sediljen e pasagjerit. Mësuesi më tërhoqi në krahët e tij dhe më puthi.”
Këngëtarja kujton se puthja vazhdoi gjatë dhe dukej se po evoluonte në diçka më shumë – derisa prindërit e saj u kthyen në shtëpi dhe panë Hilton dhe mësuesin e saj në rrugë.
Pas përfundimit të vitit shkollor, Kathy dhe Rick dërguan vajzën e tyre adoleshente të jetonte me gjyshen e saj në Palm Springs, Kaliforni.
Dhe ndërsa Hilton shkruan se ajo kurrë nuk i tha askujt në shkollë, “Disi, njerëzit dukej se e dinin”.
Por kjo nuk e ndryshoi reputacionin e mësuesit. “Ai ishte ende zoti Abercrombie”, shkruan ajo.
