Sa më shumë që kalon koha dhe njerëzit nuk marrin dhe japin dashuri, ndjejnë boshllëk brenda vetes, e me të bie disponimi dhe secili kërkon shtegdalje për të gjetur mënyrën se si ta rimbushur baterinë e dashurisë.
Dashuria është energjia më e bukur që ekziston në Univers. Ajo ka fuqi të lumturon dhe të shëron shpirtin e njeriut, dhe si e tillë që është, njeriu ka gjithmonë nevojë ta ndjejë ate, aq sa ka frymë dhe jetë.
Po e shoh kohët e fundit, e gjithë shqiptaria po e përjeton dashurinë e sinqertë të një çifti të ri në “ Big Brother” Albania, dhe këdo që e takon, flet për këtë çift, e posaqërisht për djaloshin e sinqert që shpreh dashurinë e tij haptas për vajzën që e do. Ai është i vendosur madje edhe i ka propozuar martesë, dhe kjo sjellje e tij u’a rikujton njerëzve dashurinë e vertetë se si duhet të jetë, ashtu siç ka qenë dikur.
Kjo tregon se, njerëzit kanë munges të marrjes dhe dhënies së dashurisë së vërtetë në jetën e përditshme.
Mirë që po shohim dashuri të vërtetë në TV sepse, dashuria duhet të jetë e sinqert dhe duhet marrë po aq sa japim.
Do të bënin mirë rinia jonë, të marrin mësim dhe tu kthehen traditave tona shekullore sepse, ky” modernizimi” i vrullshëm na shkatërroi si popull.
Lajmet si një i ri apo e re shqiptare sot ndërron deri në 20 partner para martesës, është lajm shumë i keq dhe pa të ardhme të mirë. Kjo sepse, dashuria e ka humbur kuptimin dhe kjo nuk quhet më dashuri por, shfryerje e epsheve shtazarake. Nuk mundet njeriu ti ndërron 20 partner me gjasë ta gjejë njeriun e jetës.
Unë i them rinisë së sotme, kërkoni dhe kërkoni, por mos lëndoni njeri sepse, aq sa lëndoni dhe braktisni shpirta të pafajshëm, aq do ta paguani llogarinë tuaj në fund. Krijimi i familjes është një akt i shenjtë prandaj them planifikoni, analizoni, dashuroni dhe vendosni për një njeri që i‘ a vlen ta kalosh jetën.
Kjo formulë krijon familje të shëndosha dhe gjenerata të reja me perspektiv ku ka paqe, dashuri dhe qetësi. Mos e kêrkoni dashurinë jashtë vetes sepse, dashuria për veten është dashuria për tjetrin. Dashuroni njëri tjetrin sinqerisht, shmangijuni imagjinatave të çfrenuara, dhe kthejuni jetës reale duke e shijuar çdo moment të jetës me njeriun që e doni dhe ju do prej së vërteti.