Ekspozita “Tenda e takimit e një oborri” do të qëndrojë në Galerinë e Ministrisë së Kulturës deri më datën 1 të muajit që vjen. Ekspozita u hap më parë në kuadër të kalendarit kulturor të Kosovës dhe Shqipërisë. Ekspozita nxjerr në pah fotografitë e Pietro Marubit. Kuruar nga Luçjan Bedeni, ekspozita shërben si një dëshmi mbi rëndësinë historike dhe kulturore të një arkivi me materiale origjinale. Në galeri janë të ekspozuara 21 imazhe të cilat i përkasin fillimeve të para të themelimit të studios Marubi, të cilat zbulojnë personazhe e veshje tradicionale të Shqipërisë së viteve të 80-ta. Pika e përbashkët e imazheve mbetet oborri, pikënisja ku Marubit filloi veprimtarinë e tij. Pietro Marubbi, ( Piacenza, 14 gusht 1832 – Shkodër, 22 maj 1903) ka qenë piktor, skulptor, arkitekt dhe fotografi, që themeloi studion Foto – Studio “Marubbi”, duke u bërë kështu babai i fotografisë në viset shqiptare. Pas angazhimeve në lëvizjen risorgimentale në bashkimin e Italisë, u arratis dhe gjeti strehë në Shkodër, ku shkoi pjesën më të madhe të jetës, por qe po ashtu fotograf i oborrit të knjazit të Malit të Zi, si dhe reporter i gazetave të kohës L’Illustration, The Illustrated London News, La Guerra d’Oriente dhe L’Illustrazione Italiana. Muzeu Kombëtar i Fotografisë “Marubi” në Shkodër mban në arkivin e tij rreth 400,000 negativë në pllaka xhami, të organizuar në mënyrë të përkryer dhe të klasifikuar sipas vitit të shkrepjes dhe përmbajtjes së fotografisë. Në dy katet e muzeut do të mund të shihni edhe studiot e fotografit të famshëm, Pietro Marubit, dhe pasardhësve të tij. Pas vdekjes së tij, studion e trashëgoi nxënësi i tij shqiptar e më pas fëmijët e nxënësit, të cilët mbajtën të gjallë dinastinë e familjes Marubi.
Arkivi i Marubit i ekspozuar në Prishtinë, si një dëshmi mbi rëndësinë historike dhe kulturore
MAGAZINA E LAJMEVE
KOSOVË
BOTA
RAJONI
All